–Сёння вельмі вялікая ўвага ў сродках масавай інфармацыі надаецца тэме генацыда беларускага народа ў гады Вялікай Айчыннай вайны, – сказаў суразмоўца. –Нядаўна выйшла ў свет кніга “Генацыд беларускага народа ў гады Вялікай Айчыннай вайны” пад агульнай рэдакцыяй Генеральнага пракурора Рэспублікі Беларусь Андрэя Шведа. Сродкам масавай інфрамацыі неабходна раскрыць сюжэты, якія знаходзяцца ў архіўных матэрыялах, дакументах, допытах сведкаў падзей. І зрабіць гэта неабходна на мове, зразумелай для масавага чытача.
Насамрэч, у творах нашых пісьменнікаў тэма пакутаў беларускага народа падчас фашыскай акупацыі раскрыта надзвычай эмацыянальна. У пачатку 70 –х гадоў пісьменнікі Алесь Адамовіч, Янка Брыль і Уладзімір Калеснік праехаліся па 34 раёнах і сабраны матэрыял выйшаў у часопісе “Маладосць” пад назвай “Я з вогненнай вёскі”.
І. БУТУРЛЯ.
Фота С. ЗЯНКЕВІЧА.