Язык:

Падарунак для зімы. Замалёўка Галіны Нічыпаровіч

У школе канікулы, і таму Алёшка дома. Хутка Каляды і Новы год. Засталіся лічаныя дні. Святочны настрой адчуваўся ва ўсім. У крамах вітаў мандарынавы водар. Вуліцы і дамы ўпрыгожвалі каляровыя гірлянды. І толькі хлопчыку было сумна. Кожны дзень ён з нецярпеннем чакаў, калі выпадзе снег. А яго ўсё не было і не было. Даўно стаяць прыхіленыя да сцяны лыжы, чакаюць сваёй пары. Алёшка марыў у першы ж дзень канікул адправіцца на іх у лес, праведаць ялінку, з якой пасябраваў летам, калі хадзіў з татам па грыбы. Як яна там, думаў ён, напэўна, зусім замерзла без снегавога футрачка пад калючымі халоднымі вятрамі.

Раптам Алёшка схамянуўся. Вочы яго загарэліся загадкавым святлом. Хлопчык прыняў рашэнне. З паліцы на стол перакачавалі аркушы белай паперы, акварэлькі і пэндзлік. Ён пачаў маляваць.
На першым аркушы хутка з′явілася вельмі прыгожая блакітная сняжынка. Налюбаваўшыся ёю, Алёшка адлажыў малюнак у бок. Пасля на кожным з наступных малюнкаў дабаўлялася па адной сняжынцы, і так да дзевяці. Апошні аркуш ўпрыгожылі дзевяць блакітных сняжынак рознага ўзору і велічыні.
«Сынок! - звярнулася да яго мама. ─ А чаму ты малюеш адны сняжынкі? Вунь кот Марцюша таксама не супраць каб ты яго намаляваў! Бач, як хітра жмурыць вочкі ў твой бок».
«Як ты, мамачка, не разумееш. Я з нецярпеннем чакаю, калі выпадзе снег. Кожную раніцу бягу да акна, але дарэмна. Снегу няма і няма. Вось я і вырашыў зрабіць Зіме падарунак, намаляваць яе дзетак ад кожнага з пражытых мной гадоў, а мне не так даўно споўнілася дзевяць. У выглядзе сняжынак я намаляваў сваё Жаданне, бо вельмі-вельмі люблю гэтую пару года», - з сумам у голасе адказаў хлопчык.
А яшчэ ён напісаў пісьмо Дзеду Марозу з просьбай дапамагчы здзейсніць яго жаданне. Літары выводзіў акуратна, разборліва. Калі дапісаў, уздыхнуў з палёгкай, сабраў аркушы і падсеў да таты, які толькі што развёў у каміне агонь. За акном апускаўся вечар. Цемра запоўніла ўсё навокал, толькі на слупах мільгалі ліхтары ды гірлянды.
Заўтра Каляды. Мама гатуе смачныя стравы, бабуля дрэмле ў крэсле перад тэлевізарам. Побач з ёю прымасціўся і кот Марцюша.
Алёшка яшчэ раз прагледзеў свае малюнкі, пакруціў у руках пісьмо, роўненька злажыў і акуратна паклаў на агонь.
«Сынок! Навошта ты гэта зрабіў?», - здзіўлена запытаў тата.
«Трэба, каб Дзядуля Мароз і Зіма хутчэй атрымалі маё пасланне. У гэтым дапаможа Агонь. Ён данясе ім маё Жаданне», -─ адказаў хлопчык і зазбіраўся ісці спаць. Ноччу Алёшку снілася ялінка, як ён засланяе яе ад злога ветру, хутае ў цёплы свой шалік. Хлопчык прачынаўся і зноў засынаў з думкай пра снег.
Пачынала світаць. Алёшка падхапіўся з ложка і накіраваўся да акна. На шыбіну прыляпілася маленькая прыгожая сняжынка, а побач яшчэ і яшчэ. Ён хуценька апрануўся і выбег на двор.
Нібы ў танцы, весела кружылі сняжынкі. Яны садзіліся яму на плечы, далонькі, на твар. Нават у вачах хлопчыка адбіваўся іх бляск.
«Мамачка! Снег!» - радасці Алёшкі не было канца. - ─Агонь данёс маё Жаданне! Усё атрымалася!»
У калядную ноч, так часам бывае, здараюцца цуды. Дзіцячая вера ў іх спраўдзілася і на гэты раз.

Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews

Галіна НІЧЫПАРОВІЧ.

Читайте ещё:



Оставить комментарий

Ваше имя
Ваше сообщение
 
 
 
 
 
 
 
 
 
 
 

Реклама

В какой соцсети вы проводите больше всего времени?

Предложить свою новость

Предложите нам свою новость.
Возможно, мы её опубликуем.

Заполните все поля, отмеченные символом *

Наши соцсети

Способы оплаты

PDF-рассылка

Уважаемые читатели газеты «Іўеўскі край»!

Вы можете подписаться на электронную версию нашей газеты, представленную в PDF-формате. Газета будет высылаться на указанный вами адрес электронной почты  по вторникам и пятницам накануне выхода в печать. Подписаться можно, начиная с любой даты. Будьте первыми в курсе свежих новостей Ивьевщины!

СТОИМОСТЬ ЭЛЕКТРОННОЙ ПОДПИСКИ:

– на месяц – 3 руб.;
– на три месяца – 9 руб.; 
– на шесть месяцев – 18 руб.

Подробнее

Наши контакты

р/с № BY47BAPB30152768600140000000

ОАО "Белагропромбанк", г.Минск.
 Код BAPBBY2X,

УНН 500051130.

E-mail: pressa.ik@ivyenews.by

Тел/факс: (01595) 6-96-40

Наш адрес:
231337, Гродненская обл., г. Ивье,
ул. 1 Мая, 18

Ссылки


Ивьевский районный исполнительный комитет

 

 

Please publish modules in offcanvas position.