22 сакавіка 2018 года ў рамках 75-годдзя Хатынскай трагедыі на Іўеўшчыне праведзены мерапрыемствы па ўшанаванню памяці ахвяр фашызму.
Трагічны лёс вёскі Хатыні ў гады нямецка-фашысцкай акупацыі ў Іўеўскім раёне паўтарылі вёскі Ятаўтавічы, Верашчакі, Косці, Шаркуці, Матыкаўшчына, Юраўскія, Кавалёвы, Бакшты. Спалена 115 дамоў, загінуў 131 жыхар.
У Дзень памяці ахвяр фашызму работнікамі культуры сумесна з сельвыканкамамі, прадстаўнікамі ўстаноў адукацыі і насельніцтва рэгіёна ў вёсках Бакшты, Косці і Ятаўтавічы праведзеныя мітынгі-рэквіемы.