Згуртаванасць, патрыятызм і паразуменне беларусаў, аб'яднаных адной гісторыяй, традыцыямі і культурай – гэтыя якасці заўсёды былі галоўнымі для беларускага народа. Невыпадкова 2021 год у краіне аб'яўлены годам народнага адзінства, а Указам кіраўніка дзяржавы ў Рэспубліцы Беларусь зацверджана новае дзяржаўнае свята – Дзень народнага адзінства, якое выпала на 17 верасня. Выбар гэтай даты мае гістарычную падставу. Менавіта 17 верасня 1939 года стала пачаткам ўз'яднання Заходняй і Усходняй Беларусі.
Патрыятычнаму выхаванню дзяцей у Бобравіцкім дзіцячым садзе-сярэдняй школе надаецца вялікая ўвага. І таму ў нашай установе прайшло на годным узроўні святкаванне самага маладога свята Беларусі - Дня народнага адзінства. Юнакі і дзяўчаты здзейснілі віртуальнае падарожжа па Рэспубліцы Беларусь. І, падарожнічаючы па роднай зямлі, адчулі гонар за сваю краіну. Навучэнцы адзначылі, што самым вялікім багаццем нашай краіны з'яўляюцца людзі. Толькі ад нас залежыць, у якой краіне мы будзем жыць.
Сёння ў нас ёсць галоўнае - свабодная, прыгожая і незалежная краіна. Нам усім, хто жыве на гэтай слаўнай беларускай зямлі, трэба ўсведамляць, што ў нас адзіная каштоўнасць - наша малая радзіма. Удзельнічаючы ў мерапрыемстве, навучэнцы паглыбілі свае веды па гісторыі Беларусі. І з пачуццём глыбокага гонару за сваю краіну ўключыліся ў інтэрактыўны дыялог, на якім прасочваўся патрыятызм у кожным дзіцячым сэрцы. І гэтаму ёсць слоўнае пацвярджэнне па выніках мерапрыемства: "У імя захавання нашай краіны для наступных пакаленняў давайце разам перавернем старонку пройдзенага і напішам новую для незалежнай Беларусі. Толькі разам, толькі з агульнай мэтай мы зможам захаваць нашу вялікую Радзіму, свабоду і незалежнасць ".
У рамках святкавання Дня народнага адзінства навучэнцам, якія дасягнулі 14-гадовага ўзросту, былі ўручаны падарункавыя камплекты «Я - грамадзянін Рэспублікі Беларусь». "Быць грамадзянінам Рэспублікі Беларусь - гэта вялікае шчасце, высокі гонар", - выказалі сваё меркаванне навучэнцы ў знак падзякі.
А.Чарняк, класны кіраўнік 11 класа Бобравіцкага дзіцячага сада - сярэдняй школы.