"Самая любімая, самая родная" - пад такім дэвізам у старшай дашкольнай групе ДУА "Ліпнішкаўскі дзіцячы сад-сярэдняя школа" ладзіўся тыдзень, прысвечаны Дню маці. Тэматычны тыдзень прайшоў вельмі ярка, трапятліва і цікава. Праводзіліся розныя мерапрыемствы, галоўнай мэтай якіх з'яўлялася выхаванне ў дашкольнікаў любові і павагі да маці, развіццё творчых здольнасцяў дзяцей і стварэнне ўтульнай, хатняй атмасферы свята.
Дзеці разам з выхавальнікамі праводзілі займальныя гутаркі аб блізкім і дарагім чалавеку, чыталі мастацкія творы пра маму, вучылі цудоўныя песні і вершы, танцавалі, малявалі партрэты любімых матуль і рыхтавалі падарункі. Дзеці з вялікім задавальненнем прыняліся за маляванне партрэтаў для выставы "Мая матуля сама прыгожая". Было вельмі прыемна глядзець, з якой любоўю дзеці малявалі сваіх мам. У сваіх працах яны змаглі перадаць не толькі знешняе падабенства, але і бязмежную любоў да сваіх матуль.
У падарунак мамам дзеці зрабілі выдатны гаршчочак з кветкамі, у які ўклалі сваю любоў і клопат, чулае і ўважлівае стаўленне да самага дарагога чалавека – мамы.
З Днём маці ад душы павіншавалі ўсіх мам выхавальнікі групы і пажадалі, каб ніколі не было слёз у матчыных вачах, каб твар свяціўся ад усмешак, каб мамы адчувалі цяпло і любоў ад сваіх дарослых і маленькіх дзяцей!
Т. Здончык, выхавальнік ДУА “Ліпнішкаўскі дзіцячы сад - сярэдняя школа.
