16 мая ў Лелюкінскім дзіцячым садзе – сярэдняй школе для вучняў 5 – 7 класаў прайшла інфармацыйная гадзіна “Лёс маёй сямʼі ў гісторыі маёй краіны”.
Мерапрыемства было прысвечана Дню сям'і. Пад час мерапрыемства на школьнай дошчы была адлюстравана стужка часу, на якой у храналагічнай паслядоўнасці навучэнцы адзначалі значныя падзеі ў жыцці сваёй сямʼі.
З сямʼі пачынаецца жыццё чалавека. Сямʼя - гэта крыніца кахання, павагі, салідарнасці і прыхільнасці, тое, на чым будуецца любое цывілізаванае грамадства, без чаго не можа існаваць чалавек.
За некалькі дзён да мерапрыемства настаўнікі школы прапанавалі навучэнцам вывучыць дакументы сямейнага архіва, падрыхтаваць інфармацыю аб гісторыі сваёй сямʼі.
З задавальненнем пра гісторыю сваёй сямʼі расказала вучаніца 5 класа Чурэйна Сабрына. Дзяўчынка паведаміла ўсім пра тое, што вывучаючы гісторыю сямʼі, мы можам улавіць сувязь паміж лёсамі папярэдніх пакаленняў і гістарычнымі падзеямі, растлумачыць і зразумець тыя ці іншыя ўчынкі сваіх родных. Сямʼя - гэта блізкія і родныя людзі, тыя, каго мы любім і з каго бяром прыклад.
У канцы мерапрыемства вучні вырашылі, што, калі яны прыйдуць дадому, скажуць "дзякуй" сваім родным і блізкім за тое, што яны робяць для іх. Скажуць гэта словам - зробяць добрую справу, таму што самае галоўнае, на чым будуецца сямʼя - гэта любоў, паразуменне і клопат.
Буцько Алена, класны кіраўнік 5 класа
Лелюкінскага дз/с-СШ.