6 верасня беларуская моладзь адзначае свята – дзень стварэння грамадскага аб'яднання "Беларускі рэспубліканскі Саюз Моладзі". У гэты дзень у пярвічных арганізацыях краіны традыцыйна праходзяць святочныя мерапрыемствы. Лелюкінская сярэдняя школа не стала выключэннем.
Эмацыйна насычаным атрымалася мерапрыемства, у рамках якога прайшла ўрачыстая цырымонія развітання з піянерскім гальштукам і ўручэнне білетаў і значкоў БРСМ. Дрыжачаю рукою рабяты аддалі апошні салют і з непадробным хваляваннем знялі з грудзей піянерскі гальштук. Дружна вымавілі клятву на вернасць арганізацыі і сваёй краіне. І вось ён, хвалюючы момант… У руках запаветныя білеты і значкі, а наперадзе светлыя надзеі і вялікія планы. Цяпер маладыя людзі сталі сапраўднымі будаўнікамі будучыні сваёй Радзімы.
– Мне прыемна прысутнічаць на ўрачыстым прыёме ў рады БРСМ пярвічкі, якая славіцца ў Іўеўскім раёне сваімі выдатнымі традыцыямі грамадзянска-патрыятычнага выхавання, – адзначыла Вераніка Кучынская, першы сакратар Іўеўскага раённага ГА "БРСМ". – Спадзяюся, што вы, як члены беларускага Саюза моладзі, будзеце праяўляць сябе гэтак жа актыўна і ў далейшым, усяляк раскрываючы свой творчы патэнцыял. Сёння, у Год міру і стварэння, нам неабходна прадоўжыць мэтанакіраваную работу з моладдзю па выхаванні грамадзянскасці і патрыятызму, што будзе садзейнічаць умацаванню нашага галоўнага багацця – міру і згоды. Спадзяюся на далейшае плённае супрацоўніцтва. Чакаю вашых пытанняў, прапаноў, ініцыятыў.
Дырэктар школы Галіна Іосіфаўна Алешчык адзначыла, што разлічвае на актыўнасць, энтузіязм і крэатыўнасць віноўнікаў урачыстасці. Бо яны – таленавітыя юнакі і дзяўчына, якія сёння выраслі яшчэ на адну жыццёвую прыступку. І няма сумневу, што, уступіўшы ў рады прадстаўнікоў моладзі Рэспублікі Беларусь, гэтыя навучэнцы з гонарам будуць несці новае званне, пацвярджаючы сваімі справамі новы ганаровы статус і тое, што ў руках маладога пакалення – будучыня нашай краіны.
– У наш час БРСМ з'яўляецца той пляцоўкай, якая дае старт і магчымасці для развіцця патэнцыялу кожнага маладога грамадзяніна па ўсіх напрамках. Віншую з гэтай падзеяй. Жадаю дабрабыту, творчых поспехаў, новых перамог і дасягненняў на карысць развіцця роднай арганізацыі і любімай Рэспублікі Беларусь, – сказаў у сваім віншаванні настаўнік гісторыі Андрэй Віктаравіч Ваўчок.
Гучалі словы віншавання і ад класнага кіраўніка, якая ў заключэнні пажадала навучэнцам:
“Будзьце заўсёды актыўнымі,
Мужнымі, ініцыятыўнымі,
Смелымі і крэатыўнымі,
Па жыцці ва ўсім пазітыўнымі.
Шануйце вёску і родную хатку,
Продкаў сваіх, матулю і татку,
Радзімаю ганарыцеся,
На добрыя справы не скупіцеся.”
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Вольга Балановіч,
класны кіраўнік 10 класа.