У падлеткавым узросце перад юнакамі і дзяўчатамі паўстае пытанне, які жыццёвы шлях выбраць: куды пайсці вучыцца. Менавіта для таго, каб дапамагчы зарыентавацца ў багатым спісе сучасных прафесій у Лелюкінскім дзіцячым садзе – сярэдняй школе штогод праводзіцца Тыдзень прафарынтацыі.
З 8 па 13 лютага для навучэнцаў ладзіліся сустрэчы з працоўнымі калектывамі нашага аграгарадка і выпускнікамі нашай школы, праводзіліся майстар класы, экскурсіі на прадпрыемствы, трэнінгі, віктарыны, тэсты. Цікавай і запамінальнай для школьнікаў з’явілася сустрэча з выпускніком нашай школы, а цяпер ужо курсантам Ваеннай акадэміі Рэспублікі Беларусь, Сушчынскім Паўлам. Юнак расказаў пра асаблівасці навучання ў дадзенай установе адукацыі, умовы пражывання, курсантскае жыццё. З дапамогай фатаграфій, прэзентацыі і відэаролікаў будучыя абітурыенты змаглі завочна зрабіць экскурсію па акадэміі. На прыканцы сустрэчы ўсе жадаючыя змаглі задаць пытанні, якія іх турбавалі. Яшчэ адна цікавая сустрэча адбылася з выпускніцай нашай установы адукацыі, а цяпер студэнткай БДПУ імя Максіма Танка, Пашэль Таццянай, якая таксама расказала пра асаблівасці паступлення, разнастайнасць факультэтаў, умовы пражывання і навучання. Трэба адзначыць, што выпускнікі нашай школы часта выбіраюць і вучацца па педагагічных спецыяльнасцях.
З майстар класаў, па словах навучэнцаў, найбольш уразіў і запомніўся той момант, калі падлеткам прадставілася магчымасць папрацаваць за прылаўкам крамы і адчуць працоўную атмасферу, а таксама магчымасць раскласці прадукцыю па стылажах.
Тыдзень прафарыентацыі закончыўся. За гэты час падлеткі змаглі знайсці адказы на пытанні, якія іх турбавалі, зарыентавацца ў багатым спісе прафесій, вызначыцца з напрамкам, па якім неабходна рухацца.
А. Рэвінская, намеснік дырэктара па вучэбнай рабоце Лелюкінскага дзіцячага сада – сярэдняй школы Іўеўскага раёна.
