15 лютага – асаблівы дзень для нашай Беларусі. Гэта дзень, калі апошні савецкі салдат пакінуў тэрыторыю Афганістана.
У рамках дэкады грамадзянска-патрыятычных спраў “Афганістан у лёсах нашых землякоў” у Геранёнскай СШ для вучняў 6-7 класаў была арганізавана класная гадзіна “У кожнага часу свае героі” з удзелам мясцовага краязнаўцы Алены Іванаўны Смалянячэнка. Яна расказала вучням пра баявы шлях нашага земляка, удзельніка той жудаснай вайны, што забрала жыццё многіх беларусаў, Станіслава Іосіфавіча Кульніса. Таксама быў прапанаваны кінафільм “Чалавек і яго лёс”, аўтарам якога з’яўляецца Алена Іванаўна.
Хочацца выразіць ад імя вучняў і настаўнікаў словы падзякі Алене Іванаўне, бо такія сустрэчы і мерапрыемствы не праходзяць бясследна, яны будзяць нашу памяць, дапамагаюць зразумець вытокі патрыятызму, фарміруюць падзяку тым, хто выканаў свій інтэрнацыянальны доўг.
І. Барысевіч, настаўнік беларускай мовы і літаратуры Геранёнскай СШ