Быць мамай - велізарнае шчасце, а нарадзіць і выхаваць пецярых, шасцярых і нават семярых дзяцей - сапраўдны подзвіг, варты высокай дзяржаўнай узнагароды.
Дзве шматдзетныя маці, жыхаркі нашага раёна, напярэдадні новага 2022 года атрымалі ордэны Маці. Ірына Буката з аг. Лаздуны 1 і Валянціна Чарвінская з в. Бакшты ва ўрачыстай абстаноўцы былі ўзнагароджаны старшынёй райвыканкама Ігарам Генцам. Гэтыя жанчыны ўдала сумяшчаюць мацярынства і працу і не прадстаўляюць сваё жыццё без хатняга клопату і актыўнага сямейнага адпачынку.
У Ірыны Тадэўшаўны, якая працуе памочнікам выхавальніка ў Бобравіцкім дз/с-СШ, старэйшай дачцэ Паліне 14 гадоў, а самаму малодшаму сыну Івану - 3. Паміж імі - 12-гадовы Арсеній, 9-гадовы Максім і 5-гадовая Сафія.
У сям'і Валянціны Вітальеўны Чарвінскай, прыбіральшчыцы вытворчых памяшканняў магазіна "Родны кут",- 20-гадовы Раман, 19-гадовая Дар'я, 16-гадовая Ксенія, 5-гадовая Сафія, паўтарагадовы Даніла.
У жанчын розныя лёсы, але мары і спадзяванні аднолькавыя: выхаваць дзяцей сапраўднымі грамадзянамі, якія будуць працаваць на карысць сваёй радзімы.
- З боку дзяржавы ўсім шматдзетным маці аказваецца адчувальная падтрымка, - расказала начальнік упраўлення па працы, занятасці і сацыяльнай абароне райвыканкама Алена Горбач. - Яны карыстаюцца ўсімі сацыяльнымі льготамі, а да дзяржаўнай узнагароды ордэн Маці ім прадугледжана аднаразовая матэрыяльная дапамога ў памеры больш за 1440 рублёў. Робіцца сапраўды шмат, таму што мацярынства - самае каштоўнае, самае святое на зямлі.
Ірына Бутурля.
Станіслаў Зянкевіч (фота).