"Казачны свет Якуба Коласа" - пад такой назвай у раённай дзіцячай бібліятэцы адбыліся тэатралізованыя чытанні, прысвечаныя да 140-годдзя беларускага песняра.
Вучні Іўеўскай пачатковай школы вельмі сумленна падрыхтаваліся да святочнага мерапрыемства: вывучылі напамяць любімыя вершы паэта, зрабілі малюнкі да асобных твораў паэта і пісьменніка. Дарэшты, лепшыя малюнкі будуць уключаны ў спецыяльны альбом.
Гучалі ў бібліятэцы коласаўскія песні, напрыклад, усім вядомая “Мой родны кут”.
Якуб Колас нарадзіўся іменна ў гэты дзень, калі адбылося свята, – 3 лістапада, у 1882 годзе ў Мінскай вобласці засценку Акінчыцы (недалёка ад Стоўбцаў) у сям’і малазямельнага селяніна, які служыў лесніком у князя Радзівіла.
Калыскай паэзіі Коласа было Панямонне. Тут упершыню ён адчуў гора народа, тут нарадзілася любоў да роднай зямлі, яго песня.
Свае дзіцячыя гады паэт апісаў у паэме “Новая зямля”.
Пісаць вершы пачаў у 12-гадовым узросце. Калі Кастусь прачытаў адзін са сваіх першых вершаў бацьку, той сказаў: “Добра!”, - пацалаваў сына і даў яму рубель.
Гаварылі вядучыя аб тым, што Колас шчыра любіў паэзію, усе вольныя хвіліны аддаваў літаратурнай працы. У 20-30-я гады напісаў самыя значныя свае творы – паэмы “Новая зямля” і “Сымон-музыка”. Пазней – аповесці “Дрыгва”, “На прасторах жыцця”, трылогію “На ростанях”.
Тэатралізованую казку “Два зайцы” паводле творчасці паэта юныя акцёры паказалі таленавіта і шчыра.
Чытаючы вершы паэта, удзельнікі падкрэслівалі, што ў іх паэт імкнуўся перадацуь велізарнае імкненне сялянскіх дзяцей да навукі.
Падробнае знаёмства з творчасцю Якуба Коласа пайшло ўсім на карысць. Паэт імкнуўся зрабіць чалавечае жыццё радасным, прыгожым, шчаслівым. І ўсе мы павінны ведаць пра гэта.
П.УЛАДЗІН.
Фота С. ЗЯНКЕВІЧА.