З 15 снежня 2022 г. па 15 студзеня 2023 года ў Іўеўскім раёне пройдзе навагодняя дабрачынная акцыя «Нашы дзеці». На яе правядзенне з раённага бюджэта будуць выдаткаваны грашовыя сродкі ў памеры амаль 4,5 тыс. рублёў. Адпаведнае рашэнне арынята раённым выканаўчым камітэтам.
28 снежня 2022 г. адбудзецца доўгачаканае і любімае раённае навагодняе свята з удзелам кіраўніцтва раёна для дзяцей-сірот, дзяцей, якія засталіся без апекі бацькоў, дзяцей-інвалідаў, дзяцей з мнагадзетных і малазабяспечаных сямей, сямей, у якіх дзеці знаходзяцца ў сацыяльна небяспечным становішчы, навучэнцаў, якія ўзнагароджаны па выніках раённых, абласных і рэспубліканскіх алімпіяд, творчых конкурсаў і спартыўных спаборніцтваў, навучэнцаў, якія маюць поспехі ў грамадскай дзейнасці.
Таксама ў арганізацыях раёна пройдуць дабрачынныя навагоднія святы, для дзяцей работнікаў гэтых арганізацый.
Амаль да 15 студзеня 2023 г. сельскія выканаўчыя камітэты, арганізацыі раёна будуць наведываць установы адукацыі, апякунскія, прыёмныя сем’і, дзiцячы дом сямейнага тыпу, сем’і, якія выхоўваюць дзяцей-інвалідаў, віншаваць з Новым годам, Калядамі, а галоўнае - садзейнічаць ў вырашэнні існуючых праблем ў адпаведнасці з заканадаўствам.
Фінансаванне навагодніх святаў для дзяцей раёна будзе ажыццяўляцца за кошт мясцовага бюджэта, пазабюджэтных асiгнаванняў, за кошт сродкаў арганізацый і сродкаў з іншых крыніц, не забароненых заканадаўствам Рэспублікі Беларусь.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Ирына Халява.