Пасяджэнні клуба “Скарбніца” аддзела рамёстваў і традыцыйнай культуры Іўеўскага Цэнтра культуры і вольнага часу – гэта заўжды цікава і карысна для яго ўдзельнікаў. Кіруе клубам загадчык аддзела, майстра па саломапляценню, сябра Беларускага саюза майстроў народнай творчасці Ірына Смірнова.
Дзейнасці майстроў саломапляцення, як нематэрыяльнага праяўлення творчасці чалавека “Беларускія мастацкія практыкі саломапляцення” Пастановай Міністэрства культуры Рэспублікі Беларусь у лютым бягучага году нададзены статус гісторыка-культурнай каштоўнасці.
І вось ужо не майстра саломапляцення, а мастацкі практык саломапляцення Ірына Смірнова сёння правяла майстар-клас для ўдзельнікаў клуба “Скарбніца”, дзіцячага клуба “Крынічка” і ўсіх жадаючых жыхароў горада.
В. ГУЛІДАВА. Фота С. ЗЯНКЕВІЧА.