Учреждение "Редакция газеты "Iўеўскі край"

Язык:

Касцёл Святых Пятра і Паўла ў Іўі, Царква Уваскрэшання Хрыстова ў Ашмянах - спадчына рэгіёна ў праекце “Бацькаўшчына”

Касцёл Святых Пятра і Паўла ў Іўі, Царква Уваскрэшання Хрыстова ў Ашмянах - спадчына рэгіёна ў праекце “Бацькаўшчына”
Гродзеншчына – непаўторны куток беларускай зямлі з багатай гісторыяй. Кожны горад, кожная вёсачка тут дыхаюць таемнай спадчынай мінулага, якую нашы сучаснікі могуць вывучаць 
і даследаваць не толькі па папяровых гістарычных звестках, але і па фотаздымках.

У Год гістарычнай памяці ў Беларусі стартаваў сумесны гісторыка-культурны праект “Бацькаўшчына” Міністэрства інфармацыі Рэспублікі Беларусь і лаўрэата прэміі Прэзідэнта “За духоўнае адраджэнне” Уладзіміра Ліхадзедава. Пачатак праекту надало выданне аднайменнага календара, у якім прадстаўлены старадаўнія паштоўкі і фотаздымкі канца XIX – пачатку XX стагоддзяў з асабістай калекцыі аўтара.

“Гродзенская праўда” падтрымала праект і, пачынаючы з 14-га нумара газеты, адкрыла цыкл фотапублікацый, прысвечаных гістарычнай спадчыне гарадоў, гарадскіх пасёлкаў і вёсак Гродзеншчыны. 

Дарэчы, калекцыя Уладзіміра Ліхадзедава налічвае каля 50 тысяч экзэмпляраў. Многія ўнікальныя паштоўкі і фотаздымкі ўвайшлі ў кнігі-фотаальбомы аўтара, сярод якіх ёсць выданні, прысвечаныя гісторыі Гродна, Навагрудка, Ліды, Свіслачы, Слоніма, Смаргоні, Ашмян. У гэтым годзе плануецца, што пры падтрымцы Гродзенскага аблвыканкама ўбачаць свет яшчэ тры фотаальбомы пра Ваўкавыскі, Іўеўскі і Карэліцкі раёны.

Праект, безумоўна, унікальны і ставіць вельмі важную і актуальную задачу – вывучэнне, захаванне і папулярызацыю гістарычнай спадчыны беларускага народа. Ён складаў аснову XXIX Мінскай міжнароднай кніжнай выставы-ярмаркі, якая праходзіла 23-27 сакавіка.

Касцёл Святых Пятра і Паўла ў Іўі 

костел в ивье 2.jpg

Касцёл пабудаваны ў другой палове XVIII стагоддзя на месцы больш старажытнага гатычнага храма XV стагоддзя. Падчас руска-польскай вайны 1654—1667 гадоў касцёл быў спалены. У канцы XVIII стагоддзя пачалося ўзвядзенне на тым жа месцы новага касцёла ў стылі барока, які захаваўся да нашых дзён. Пасля закрыцця ў 1858 годзе манастыра бернардынцаў касцёл стаў парафіяльным. У наш час каталіцкі храм у Іўі – адна з найпрыгажэйшых каталіцкіх святынь Гродзеншчыны.

костел в Ивье.jpg

Дзіцяча-юнацкая спартыўная школа ў Іўі

спортивная школа в ивье 1.jpg

Незвычайны будынак, дзе сёння размяшчаецца Іўеўская дзіцяча-юнацкая спартыўная школа, знаходзіцца ў цэнтры гарадка. Некалі гэта была яўрэйская сінагога. Знешні выгляд будынка пасля рэстаўрацыі захавалі. 

спортивная школа в ивье.jpg

Царква Уваскрэшання Хрыстова ў Ашмянах

церковь ошмяны.jpg

Храм Уваскрэшання Хрыстова ў Ашмянах быў пабудаваны ў 1883 годзе з цэглы ў выглядзе крыжа. Узначальваў будаўніцтва архітэктар Полазаў. У 1964 годзе царкву зачынілі. Царкоўная маёмасць была разрабавана, а сам будынак быў пераўтвораны ў склад. У 1990 годзе храм вярнулі праваслаўнай царкве і аднавілі.

церковь воскресения христова ошмяны.jpg

Цэнтральная плошча ў г.п. Воранава 

площадь гп Вороново.jpg

На старым фотаздымку можна ўбачыць, як выглядала плошча ў Воранава ў пачатку 1900-х гадоў. Шмат людзей, павозкі і коні… Сёння яна мае зусім іншы выгляд. Акуратная, утульная плошча сустракае жыхароў і гасцей невялічкага, але вельмі прыгожага населенага пункта.

площадь в гп вороново.jpg

https://grodnonews.by/

Читайте ещё:



Оставить комментарий

Ваше имя
Ваше сообщение
В какой соцсети вы проводите больше всего времени?

Предложить свою новость

Предложите нам свою новость.
Возможно, мы её опубликуем.

Заполните все поля, отмеченные символом *

Наши соцсети

Способы оплаты

PDF-рассылка

Уважаемые читатели газеты «Іўеўскі край»!

Вы можете подписаться на электронную версию нашей газеты, представленную в PDF-формате. Газета будет высылаться на указанный вами адрес электронной почты  по вторникам и пятницам накануне выхода в печать. Подписаться можно, начиная с любой даты. Будьте первыми в курсе свежих новостей Ивьевщины!

СТОИМОСТЬ ЭЛЕКТРОННОЙ ПОДПИСКИ:

– на месяц – 3 руб.;
– на три месяца – 9 руб.; 
– на шесть месяцев – 18 руб.

Подробнее

Наши контакты

р/с № BY47BAPB30152768600140000000

ОАО "Белагропромбанк", г.Минск.
 Код BAPBBY2X,

УНН 500051130.

E-mail: pressa.ik@gmail.com

Тел/факс: (01595) 6-96-40

Наш адрес:
231337, Гродненская обл., г. Ивье,
ул. 1 Мая, 18

Ссылки


Ивьевский районный исполнительный комитет

 

 

Please publish modules in offcanvas position.