Такое рашэнне на днях было прынята на пасяджэнні экспертнай камісіі пры Беларускім саюзе майстроў народнай творчасці.
Высокую адзнакуатрымалі саламяныя вырабы майстра па саломапляценні з аграгарадка Геранёны Юзэфы Старасцінай.
Юзэфа Старасціна першыя навыкі па рамяству набыла на курсах павышэння кваліфікацыі работнікаў культуры Гродзенскай вобласці ўстановы адукацыі “Гродзенскі дзяржаўны каледж мастацтваў” у 1995 годзе. З 2009 года Юзэфа Эдвардаўна з’яўляецца сябрам грамадскага аб’яднання “Беларускі саюз майстроў народнай творчасці”.
Сёння майстар працуе ў тэхніках плоскага і аб’ёмнага пляцення, саламянай пластыкі, дэкаратыўнай скульптуры, аплікацыі саломкай, змяшанай тэхніцы. Асаблівай адметнасцю і прывабнасцю вырабаў з’яўляецца аб’ёмнасць форм, заснаваных на традыцыях абрадавай пластыкі, праз якія майстрыха практыкуе свой падыход да мастацкага саломапляцення. Асартымент вырабаў розны: аплікацыі, фігуркі дзяўчат і хлопцаў у беларускіх народных строях, казачныя жар-птушкі, вялікі конь з вазком, Геранёнскі замак з саломы, дажыначныя снапы, вянкі і іншыя.
Разам з нашай зямлячкай званне “Народны майстар” атрымалі Валянціны Сільвановіч, майстра па ткацтву з Ліды, Станіслава Муліца, майстра па выцінанцы з Гродна.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Служба інфармацыі «ІК».