У межах праекта “Лета і кніга” ў Іўеўскай раённай бібліятэцы адбылося літаратурнае падарожжа “Касмічнае падарожжа з Раісай Баравіковай”.
Прыгодніцкія казкі вядомай беларускай пісьменніцы даўно палюбіліся юным чытачам.
Раіса Баравікова малюе незвычайныя персанажы, апавядае пра дзівосныя планеты і жыццё на іх. Сюжэту твора надаецца займальнасць, прыгодніцкі характар. Пісьменніца даносіць да чытача думку пра неабходнасць прыгожага, мудрага ўладкавання жыцця на планеце Зямля і ў Сусвеце, пра тое, як важна цаніць і берагчы ўсё непаўторнае, цудоўнае, унікальнае, не забываць пра дабрыню, чуласць і спагаду да іншых.
Разам з героямі Раісы Баравіковай удзельнікі апынуліся на далёкіх планетах, сустракалі там невядомых істот, сталі сведкамі незвычайных падзей і цудаў.
Дзеці з вялікім захапленнем і цікавасцю здзейснілі падарожжа ў дзівосны і таемны свет далёкіх планет цудоўнай пісьменніцы.