На базе аддзелаў культурна-масавай і асветніцкай работы Іўеўскага цэнтра культуры і вольнага часу прайшоў абласны занальны агляд-конкурс. Ацэньвала выступленні калектываў тэатральна-драматычнага жанру вядучы метадыст Гродзенскага абласнога метадычнага цэнтра народнай творчасці А.Рабцава сумесна з дырэктарам Іўеўскага цэнтра культуры і вольнага часу С. Ракець, вядучым метадыстам аддзела народнай творчасці Іўеўскага цэнтра культуры і вольнага часу С.Лугіной.
У конкурсе прынялі ўдзел дзіцячы тэатральны калектыў "Спадарожнік" Іўеўскага цэнтра культуры і вольнага часу (мастацкі кіраўнік - М.Завадскі, спектакль па матывах п'есы-казкі Шарля Перро "Красная шапочка") і калектыў дзіцячага тэатральнага аддзялення Іўеўскай дзіцячай школы мастацтва" (настаўнік - Н. Афоніна, спектакль па п'есе А. Яблонскай "Дюймовочка и мотылёк").
Затым члены журы наведалі Іўеўскі музей нацыянальных культур. Лялечны тэатр "Батлейка" паказаў спектакль паводле п'есы па рэлігійным сюжэце "Царь Ирод".
Працяг гэты творчы дзень меў у аддзеле культурна-масавай і асветніцкай работы аграгарадка Геранёны, дзіцячы лялечны калектыў якога паказаў спектакль па п'есе-казцы "Сказка о Рыбаке и драконе" (мастацкі кіраўнік У.Грынюк).
У той жа дзень творчае падарожжа прывяло журы ў аддзел культурна-масавай і асветніцкай работы аграгарадка Трабы. Дзіцячы тэатральны калектыў "Спадарожнік" (мастацкі кіраўнік - М.Калышка) паказаў спектакль па п'есе-казцы А.Якімовіча "Хитрости Бабы-Яги".
Працягваўся агляд - конкурс у аддзеле культурна-масавай і асветніцкай работы аграгарадка Лаздуны. Члены журы праглядзелі жартоўную тэатральную пастаноўку Г.Бразюль "Ну, мужыкі!" (мастацкі кіраўнік - Ж.Хадарцэвіч).
Завяршыўся агляд-конкурс тэатральных калектываў у аддзеле культурна-масавай і асветніцкай работы вёскі Бакшты, дзе дзіцячы тэатральны калектыў "Непаседы" паказаў спектакль па матывах рускай народнай казкі "Репка" (мастацкі кіраўнік - С.Варанюк).
Вынікі агляду-конкурсу тэатральных калектываў будуць падведзены на абласным тэатральным свяце, якое пройдзе ў снежні на базе Іўеўскага цэнтра культуры і вольнага часу.
С. ЛУГІНА,
вядучы метадыст аддзела народнай творчасці Іўеўскага цэнтра культуры і вольнага часу.