Чытачы гэтай невялікай кніжачкі знойдуць здымкі і аповеды пра медыкаў, якія працуюць цяпер, і якія знаходзяцца на заслужанным адпачынку і пакінулі добрую памяць аб сабе.
Пры сустрэчы ў рэдакцыі нашай газеты Алена Іванаўна выказала падзяку жыхару аграгарадка Геранёны Віктару Баляслававічу Часнаковічу, які дапамог падрыхтаваць раздзел “З мінулага”. У пасляваенны час ФАП у Геранёнах працаваў у хаце Ганы Часнаковіч, яго маці. Тая цікава расказвала яму пра гэты перыяд і ўспамінала імёны ўсіх медыкаў.
У розныя гады медыцынскія работнікі амбулаторыі часта здавалі кроў, каб выратаваць чыёсьці жыццё. Іх адзначала Міністэрства аховы здароўя і узнагроджвала нагруднымі знакамі:
Часлава Адамавіча Янушка (1950-2008) – “Ганаровы донар СССР”; Леанарду Уладзіміраўну Шлемпа - “Ганаровы донар”, знак таварыства Чырвонага Крыжа БССР; Тарэсу Ігнацьеўну Гайдзіс - “Ганаровы донар Рэспублікі Беларусь”; Святлану Віктараўну Сяліцкую - “Ганаровы донар Рэспублікі Беларусь”.
Неаднаразова здымкі медыцынскіх работнікаў Геранёнскай амбулаторыі па выніках работы заносіліся на Дошку гонару:
Таццяны Васільеўны Жылевіч (2007 г.), Любові Рыгораўны Сазонавай (2011 г.), калектыў Геранёнскай урачэбнай амбулаторыі (2009 г., галоўны урач Дзмітрый Сцяпанавіч Пачобут), Іны Іосіфаўны Трашчынскай (2016 г.).
На апошніх старонках брашуры змешчаны гімн медыкаў – песня на словы Льва Ашаніна, музыка Эдуарда Калманоўскага “Людзі ў белых халатах”; здымак з фотаархіва 27 мая 1984 г. “Санітарная дружына калгаса імя ХХII партз’езда”, якая неаднаразова перамагала ў раённых спаборніцтвах і прымала паспяховы ўдзел у абласных. Рыхтавала сандружыну Г. Длужнеўская.
Станоўчы водгук аб брашуры “Паклон вам, медыкі, у свята, паклон у будні дзень!” выказаў намеснік галоўнага ўрача Іўеўскай бальніцы Віктар Казіміравіч Яцкевіч.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Уладзімір ПОБАЛЬ. Фота з брашуры.
