Пазнаёміцца з творчасцю таленавітай зямлячкі, іўяўчанкі, прадстаўніцы беларускіх татар Эміліі Шабановіч была магчымасць падчас абласнога адборачнага тура ХІІІ Рэспубліканскага фестывалю нацыянальных культур, які праходзіў у г. Ліда.
Увазе гледачоў і членаў журы была прадстаўлена выстава мугіраў (вышытыя і намаляваныя малітвы з Карана для ўбранства храмаў і дамоў пад назвай “Крок да Усявышняга”.
Эмілія Шабановіч - адзіная ў нашай краіне займаецца стварэннем мугіраў, валодае арабскай мовай, каб чытаць Каран і цытаты з яго, вышываць на тканіне крыжыкам, процягам, бісерам і маляваць фарбамі па шкле. Яна лічыць, што дар і талент ёй дадзены ад Усявышняга. Таму нездарма такую назву носціь выстава, якую работнікі культуры прэзентавалі на вялікім культурным мерапрыемстве. Дарэчы, Эмілія Шабановіч пачала ствараць мугіры з 2009 года ва ўзросце 50 год пасля цяжкай хваробы.
Удзельнікі абласнога адборачнага тура XIII Рэспубліканскага фестывалю нацыянальных культур
- Першай працай была вышыўка з выявай Блакітнай мячэці, – рассказывае жанчына. – Схему да гэтай вышыўкі мне падарыла дачка. Думалася, калі застануся жыць, толькі і буду займацца вышыўкай і малюнкамі на ісламскую тэматыку, прысвячу сябе услаўленню Усявышняга.
І вось ужо праз год, у 2013 годзе, адбылася яе першая выстава ў Іўеўскім музеі нацыянальных культур, затым у мячэці г. Навагрудка, г. Мінска, а таксама ў 2017 годзе ў Іўеускім цэнтры культуры і вольнага часу, прысвечаная 620-годдзю пасяленню татар на Беларусі.
Выявы для сваіх работ майстар бярэ з кнігі, а таксама копіі са старажытных мугіраў сваіх суседзяў, знаёмых. Мугіры Эміліі Халільеўны ўпрыгожваюць дамы іўеўскіх татар, знаходзяцца ў Іўеўскай мячэці, на экспазіцыі “Іўеўскія татары” ў музеі нацыянальных культур, а таксама ў прыватных калекцыях мусульман Беларусі і за яе межамі: Татарстане, Турцыі, Арабскіх Эміратах і інш.
Заўсёды перад пачаткам працы жанчына чытае малітву. І, як гаворыць сама, адчувае, як лёгка ходзіць рука, як спакойна і радасна становіцца на сэрцы.
Ва ўнікальнага майстра з’явіўся пераемнік. Гэта Сялім Ільясевіч, выкладчык Іўеўскай дзіцячай школы мастацтваў. І гэта абставіна яшчэ больш надае жадання жыць і тварыць для Эміліі Шабановіч. Таму што яе справа будзе мець працяг.
У абласным адборачным туры ХІІІ Рэспубліканскага фестывалю нацыянальных культур дэманстраваліся работы по саломапляценні загадчыцы аддзела рамёстваў і традыцыйнай культуры Іўеўскага цэнтра культуры і вольнага часу Ірыны Смірновай, вышыўка кіраўніка гуртка Маргарыты Канцэвіч і майстра сектара рамёстваў і традыцыйнай культуры аг. Геранёны Ганны Пуйдак.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Ірына БУТУРЛЯ.
