Залатыя карункі
Тыя карункі сімвалічна раскіданы па ўсім аграгарадку. Таму што ў Геранёнах і сапраўды жыве вельмі шмат таленавітых, апантаных народнай творчасцю майстроў, якія і вышываюць, і вяжуць, і спяваюць, і танцуюць, і цуды-вырабы з залатой саломкі ствараюць. У сектары рамёстваў і традыцыйнай культуры аграгарадка Геранёны адбылася творчая майстэрня "Залатыя ўзоры". У рамках мерапрыемства праведзены майстар-клас народнага ўмельца, кіраўніка гуртка сектара рамёстваў Вольгі Грынюк і выстава вырабаў дэкаратыўна-прыкладнога мастацтва.
Безумоўна, гледзячы на цуды, што выходзяць з-пад умелых рук, шмат хто захоча паспрабаваць сябе ў ролі народнага майстра.
Куток радзімы дарагі
Сёлета супрацоўнікі аддзелаў і сектараў культурна-масавай і асветніцкай работы Іўеўскага цэнтра культуры і вольнага часу правялі вельмі шмат цудоўных і змястоўных мерапрыемстваў для жыхароў вёскі. Спачатку вабілі вяскоўцаў канцэртныя праграмы і святы вёсак, вуліц, дамоў праекта "Свята кожны дзень", а зараз святы працягваюцца самі па сабе. У апошнюю нядзелю творчыя і няўрымслівыя культработнікі з установы культуры аграгарадка Трабы завіталі да жыхароў вёскі Сурвілішкі. І прапанавалі ім прыняць удзел у свяце вёскі "Куток радзімы дарагі". Свята праходзіла ў рамках культурна-творчага праекта для сталых людзей "Да кожнага сэрца".
Безумоўна, што на такія мерапрыемствы прыходзяць не толькі сталыя людзі. Таму што прыезд артыстаў - свята для кожнага жыхара такой маленькай вёскі.
З песняй весялей
Такую назву насіла канцэртная праграма і да такой высновы прыйшлі і тыя, каму яна прысвячалася - жыхары аграгарадка Суботнікі, якія з задавальненнем і радасцю наведалі канцэрт лепшых салістаў і творчых асоб мясцовага аддзела культурна-масавай і асветніцкай работы. А тое, што ў Суботніках працуюць надзвычай творчыя і таленавітыя людзі, - ні для каго ў цэлым раёне не сакрэт.
Родная веска - мая ты калыска
У вёсцы Гудзеняты ў рамках культурна-творчага праекта для пажылых людзей "Да кожнага сэрца" адбылося свята вёскі "Родная веска - мая ты калыска". Свята праведзена аддзелам культурна-масавай і асветніцкай работы аграгарадка Лаздуны1.
На мерапрыемстве гучала шмат прыемных слоў і шчырых пажаданняў ў адрас жыхароў вескі. Прыемным падарункам стаў канцэрт творчых калектываў і выканаўцаў. Артысты атрымалі прыгожыя кветкі ад удзячных гледачоў.
Падчас свята працавала выстаўка народнай творчасці "Родныя ўзоры".
Віншуем, спяваем, жадаем!
Аматарскія аб'яднанні, што дзейнічаюць пры многіх аддзелах і сектарах культурна-масавай і асветніцкай работы, - гэта месца не толькі аднадумцаў, якія займаюцца тым, што іх цікавіць, распрацоўваюць праграмы сваёй работы, праводзяць пасяджэнні. Гэта і сустрэчы сяброў, якімі становяцца тут людзі. Ёсць аб чым пагаварыць, што расказаць і што паслухаць. А гэта так важна, каб засцерагчы сябе ад адзіноты, старасці, маркоты.
У аддзеле культурна-масавай і асветніцкай работы аграгарадка Геранёны яшчэ і праводзяць віншаванні з днём нараджэння для ўдзельнікаў аматарскіх аб'яднанняў. Вось і днямі ў рамках культурна-творчага праекта для сталых людзей "З днём нараджэння" праведзена віншавальная праграма "Віншуем, спяваем, жадаем" да 66-годдзя жыхаркі аграгарадка, ўдзельніцы аматарскага аб'яднання "Мудры ўзрост" Тэрэзы Іванаўны Казелька.
В. ГУЛІДАВА.
Фота з архіваў устаноў культуры.
