Штогод на фэст у гонар Маці Божай у тракельскім санктуарыі, які адбываецца ў другую пятніцу і суботу ліпеня, збіраюцца тысячы пілігрымаў. Больш 25 год каталікі іўеўшчыны пілігрымуюць у гэтае святое месца нашай зямлі.
У дакавідны час паломнікі пілігрымавалі пешшу праз усе касцёлы іўеўскага дэканату. З 2020 года пілігрымы пераселі на ровары і скарацілі час пілігрымавання, але трэба падкрэсліць, што паломніцтвы непрырыўна адбываліся кожны год.
Селета будзе адноўлена пешае пілігрымаванне. Яно адбудзецца з 5 па 7 ліпеня і зойме 70 кіламетраў.
Распачнецца пілігрымаванне святой Імшой ў Юрацішкоўскім касцёле Перамянення Пана, затым вернікі направяцца ў Лаздуны, а адтуль у Іўе, дзе будзе арганізаваны начлег. У другі дзень паломнікі пойдуць у Суботнікі і Геранёны. Апошні дзень будзе самы кароткі, ён пройдзе ад Геранён да Тракель.
Для ўдзелу ў пілігрымцы арганізатары просяць ахвотных напісаць на электронную пошту Адрес электронной почты защищен от спам-ботов. Для просмотра адреса в вашем браузере должен быть включен Javascript., падаўшы імя, прозвішча, узрост, парафію і этап далучэння да пілігрымкі.
Сёлетнія ўрачыстасці ў санктуарыі Гродзенскай дыяцэзіі ў Тракелях пройдуць 7–8 ліпеня.
Тры дні шляху да дыяцэзіяльнага санктуарыя стануць добрай нагодай для ўдзельнікаў паглыбіць сваю веру і стане радасным узрастаннем да паглыблення кантакту з Богам.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Раман Ярмош. Фота з архіва дэканата.
