Напрыканцы вясны (21 мая) праваслаўны хрысціянскі свет здаўна святкуе свята Алены-Льняніцы - так у народзе называлі дзень, прысвечаны памяці святых імператара Канстанціна і яго маці царыцы Алены.
Дзень Алены-Льняніцы на Русі і, наогул, у ўсходніх славян быў важным перыядам у сельскагаспадарчым жыцці: у гэты час заканчвалі сеяць лён, каноплю , познюю пшаніцу, авёс, грэчку.
На свята Алены-Льняніцы дзяўчаты спявалі песні з спецыяльнымі магічнымі словамі, просячы шчодрага ўраджаю.
Многія людзі, напэўна, зараз і не ведаюць пра такі дзень. Ды толькі не нашы няўрымслівыя работнікі культуры, якія не толькі аднаўляюць забытыя святы, але і ўносяць у іх свой асабісты плён, рэгіянальны каларыт, свае таленты і ўменні.
Свята Алены-Льняніцы зрабілі сваім рэгіянальным культработнікі аграгарадка Ганчары Лідскага раёна. І яно адразу ж пераўтварылася ў свята-конкурс, на які з ахвотай адклікнуліся і сталі прыязджаць масцеравыя людзі з культуры Воранаўскага, Карэліцкага, Лідскага і, безумоўна, Іўеўскага раёнаў. 
Праўда, ушаноўваюць у Ганчарах не тую Алену-Льняніцу, якая, распусціўшы косы (3 чэрвеня не трэба плесці косы, трэба хадзіць з расплеценымі валасамі, каб сталі яны густымі і шаўкавістымі), сее лён, а тую Алену, што ўжо дачакалася ўраджаю і ўзялася за апрацоўку паўночнага даўгунцу.
27 кастычніка ў рэгіянальным свяце "Алена-Льняніца" прыняла ўдзел загадчык сектара рамёстваў і традыцыйнай культуры аграгарадка Геранёны Юзэфа Эдвардаўна Старасціна.
Сваё майстэрства па апрацоўцы лёну, выкарыстанні прадукцыі з паўночнага шоўку ў кулінарыі, вырабе адзення і свае захапленні прадэманстравалі майстрыцы з чатырох раёнаў, якія называліся вышэй.
Па выніках конкурсу Юзэфа Старасціна ўзнагароджана Дыпломам аддзела культуры Лідскага райвыканкама з прысваеннем тытула "Алена - Спрытнасць" і каштоўным падарункам.
В. ГУЛІДАВА.
Фота са свята.
