Залатая восень – яркая, цудоўная пара года, якая радуе разнастайнасцю фарбаў. А дзеці, як ніхто іншы, здольны больш за ўсіх радавацца залацістаму апаламу лісцю пад нагамі і дожджыку, пад якім так цікава гуляць. Менавіта таму восеньскія забавы ў дзіцячым садзе –адны з самых любімых.
У апошні восеньскі месяц выхаванцы рознаўзроставай групы “Праменьчык” дзяржаўнай установы адукацыі “Навучальна-педагагічны комплекс Трабскі яслі-сад-сярэдняя школа” падчас музычнай забавы «У асенні лес мы пойдзем» адправіліся ў яркае, незабыўнае падарожжа.
У ходзе мерапрыемства выхаванцы чыталі вершы, спявалі песні пра восень з імітацыяй рухаў, выконвалі танцы “Мы з лісцікамі гуляем”, “Топ, топ, ручкі ў бок”, гулялі ў асеннія гульні “ Збяры кошык, “Знайдзі грыб”.
Раптам у час падарожжа па асеннім лесе падуў халодны вецер, наляцелі цемныя хмары, і здарылася нечаканае – пайшоў дождж. Каб не намачыць ножкі і перачакаць дожджык, выхаванцы схаваліся пад вялікі парасон і пагулялі ў гульню “Сонейка і дожджык”.
Кульмінацыяй забавы стаў прыход у госці Баравіка, які праспяваў песню, прачытаў вершы, а пасля запрасіў усіх паўдзельнічаць у інсцэніроўцы казкі. На развітанне госць уручыў кожнаму з падарожнікаў смачныя пачастункі.
Радасць і незабыўныя ўражанні атрымалі дзеці ад свята. Атмасфера пазітыўнага настрою, бадзёрасці, гумару, з якой шчодра дзяліліся выхаванцы, засталася з імі на цэлы дзень.
Марына Шапуцька, выхавацель дашкольнай адукацыі дзяржаўнай ўстановы адукацыі “Навучальна-педагагічны комплекс Трабскі яслі-сад-сярэдняя школа” .
