Да Дня працаўнікоў сельскай гаспадаркі і перапрацоўчай прамысловасці АПК у Лелюкінскай сярэдняяй школе прайшло свята "Восеньскі кірмаш". Мерапрыемства было арганізавана і праведзена невыпадкова: большасць бацькоў нашых навучэнцаў працуюць у аддзяленні "Лелюкі" СУП "Лаздуны-Агра".
Неабходна адзначыць, што дзеці разам з бацькамі пачалі рыхтавацца да свята больш чым за тыдзень да яго пачатку. Арганізатарамі была праведзена жараб'ёўка: прадстаўнік з кожнага класа выцягнуў лісток з назвай садавіны ці агародніны, гонар якой неабходна будзе абараняць на кірмашы. Дзеці адказна аднесліся да падрыхтоўкі: была зроблена вялікая колькасць вырабаў з прыроднага матэрыялу, створаны арыгінальныя касцюмы ў асеннім стылі. Пад час свята працавалі гандлёвыя рады, дзе кожны жадаючы мог набыць за сімвалічны кошт рознага роду ласункі, створаныя рукамі дзяцей і іх бацькоў.
Хочацца адзначыць, што на свяце прысутнічалі бацькі навучэнцаў школы, а таксама мясцовыя жыхары. Для ўсіх прысутных гучала вясёлая музыка і выконваліся песні, а таксама кожны жадаючы мог паўдзельнічаць у конкурсах і бяспройгрышнай латарэі.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
А. Рэвінская.
