23 снежня ў Бакштаўскай сярэдняй школе імя М.М.Чэрнік адбылася літаратурная гасцёўня “Музы Міцкевіча”, прысвечаная 225-годдзю з дня нараджэння Адама Міцкевіча.
Амаль 225 гадоў таму, 24 снежня 1798 года, у сціплым шляхецкім дворыку ваколіцы Завоссе, што за 40 кіламетраў на поўдзень ад Навагрудка, Барбара з Маеўскіх, жонка Мікалая Міцкевіча, нарадзіла другога сына – Адама Бернарда Міцкевіча.
Усё, што сёння звязана з імем Адама Міцкевіча, адносіцца да гісторыі літаратуры і ўшанавання памяці паэта. Ён належыць да тых нямногіх творцаў, якія яшчэ пры жыцці атрымалі прызнанне сваіх дасягненняў, і веліч створанага ім непадуладна часу. Гэтым і тлумачыцца нязгасная ўвага да асобы Адама Міцкевіча, да ўсяго, што створана ім.
Пісьменнік, паэт і перакладчык, педагог і драматург – за сваё жыццё Адам Міцкевіч стаў тым, каго і праз 225 гадоў ведаюць усе. Яго рамантычныя, драматычныя і эпічныя паэмы спадабаліся многім пакаленням людзей і пакінулі яркі след у жыцці. Адам Міцкевіч - адзін з тых, хто аказаў вялікі ўплыў на станаўленне беларускай літаратуры. Творчая спадчына майстра слова складаецца з велізарнай колькасці вершаваных твораў і празаічных твораў. У арсенале пісьменніка таксама гістарычная аповесць, балады, паэмы. Дарэчы, творы Міцкевіча перакладзены больш як на 30 моў народаў свету. Пераклады твораў Адама Міцкевіча на беларускую мову з’явіліся яшчэ ў першай палавіне ХІХ стагоддзя. Па-беларуску мы іх чытаем дзякуючы Вінцэнту Дуніну-Марцінкевічу, Янку Купалу, Рыгору Барадуліну, а на рускай– Брусаву, Лермантаву, Пушкіну.
Паэзія Міцкевіча мела вялікае значэнне для беларускай і польскай літаратуры. Яна ўзбагаціла літаратурную мову, вершаскладанне, паэтычныя жанры. Творчасць паэта значна паўплывала на многіх літаратараў Беларусі, Польшчы, Літвы, Расіі і іншых краін. У пачатку ХХ стагоддзя да спадчыны Міцкевіча звярталіся Янка Купала і Якуб Колас. Таксама паслядоўнікам традыцый Міцкевіча лічыцца Уладзімір Караткевіч.
Навучэнцы прагледзелі інтэрактыўную экскурсію «У бацькоўскім доме». Вучні старэйшых класаў падрыхтавалі прэзентацыю аб жыцці і творчасці паэта. Рабяты даведаліся, што жыццё паэта – вялікае і прыгожае, ягоную адметную творчасць, пра найцікавейшае жыццё ўдалечыні ад роднай Літвы (так у яго часы называлася частка сучаснай Беларусі) — з Літвою ў сэрцы і ў думках. Творчы наробак рупліўца і асветніка стаў найвялікшым здабыткам сусветнай культуры, гэта —“невычэрпная крыніца, з якой прадстаўнікі розных народаў п’юць жывую ваду чалавечнасці, прыгажосці, духоўнасці”.
Адам Міцкевіч пакінуў велізарную і разнастайную літаратурную спадчыну, уключаючы лірыку, эпічныя паэмы, драмы, публіцыстыку і мноства фрагментаў і няскончаных твораў. Напярэданні юбілею вучні школы правялі акцыю «Чытаем Міцкевіча разам». Навучэнцы чыталі вершы, урыўкі з паэм Адама Міцкевіча.
Вучні чыталі любімыя творы паэта. Літаратурная гасцёўня атрымалася вельмі душэўнай і шчырай!
Т.Рагачук, настаўнік беларускай мовы і літаратуры Бакштаўскай сярэдняй школы імя М.М.Чэрнік.
