27 студзеня ў Гродне ўручылі прэмію Дубко дзеячам культуры і мастацтва.
Лаўрэатам па выніках 2022 года стала спецыяліст з Іўя, дырэктар Іўеўскага музея нацыянальных культур Кацярына Уладзіміраўна Маскалевіч
Яе прафесійны шлях пачаўся пасля заканчэння ў 2014 годзе Беларускага дзяржаўнага ўніверсітэта культуры і мастацтваў па спецыяльнасці “Музейная справа і ахова гісторыка-культурнай спадчыны”.
Атрымаўшы кваліфікацыю па дыплому “Музеязнаўца”, яна прыйшла працаваць навуковым супрацоўнікам ва ўстанову культуры “Іўеўскі музей нацыянальных культур”.
Ужо з верасня 2014 года Кацярына Маскалевіч была пераведзена старшым навуковым супрацоўнікам установы культуры “Іўеўскі музей нацыянальных культур”, а з лістапада 2017 года – галоўным захавальнікам фондаў установы культуры “Іўеўскі музей нацыянальных культур”.
Праявіўшы сябе граматным і адказным спецыялістам, шчыра адданым прафесіі і музейнай справе, у лютым 2018 года яна назначана на пасаду дырэктара ўстановы культуры «Іўеўскі музей нацыянальных культур».
Загадчык сектара культуры Іўеўскага райвыканкама Святлана Вацлаваўна Кішкель:
- За асабісты ўклад у развіццё музейнай справы, высокае прафесійнае майстэрства кандыдатура Маскалевіч Кацярыны Уладзіміраўны вылучана на прысуджэнне прэміі імя А.І.Дубко Гродзенскага абласнога выканаўчага камітэта “За творчыя дасягненні ў галіне культуры і мастацтва” ў намінацыі “Музейны работнік года”.
Кацярыны Уладзіміраўна Маскалевіч за час працы
шмат увагі надае духоўнаму і патрыятычнаму выхаванню падрастаючага пакалення, фарміраванню пазітыўнага іміджа музея для ўсіх катэгорый наведвальнікаў, працы ў медыяпрасторы. Яна творча абагульняе вопыт музейнай справы, перадавыя формы і метады вядзення экскурсій і мерапрыемстваў, прымяняе іх у практычнай дзейнасці, выкарыстоўвае ва ўласнай практыцы сучасныя тэхналогіі.
Шчырасць, абаяльнасць і адкрытасць Кацярыны Уладзіміраўны пакідаюць прыемныя ўражанні не толькі ў наведвальнікаў, але і ў калег.
Яна прымае актыўны ўдзел у грамадскім жыцці раёна. Так, у 2022 годзе стала ўдзельнікам праекта “Аднагодкі маладой Беларусі”.
Мы з вялікім задавальненнем пералічваем тыя заслугі, якія мае малады кіраўнік:
У 2019 годзе прыняла ўдзел у праекце “Рэгіянальная музейная акадэмія” і атрымала трэнерскую падрыхтоўку па 4-х адукацыйных модулях: “Музей і культура памяці”, “Музейны маркетынг і турызм”, “Канцэптаванне і дызайн выстаўкі”, “Музейная камунікацыя”.У рамках праекта прайшла 5-ці дзённую стажыроўку ў г. Дрэздэн.
У 2019 годзе праца К.У. Маскалевіч адзначана Ганаровай граматай аддзела ідэалагічнай работы, культуры і па справах моладзі Іўеўскага райвыканкама за значны асабісты ўклад у развіццё музейнай справы, змястоўную работу па арганізацыі абслугоўвання насельніцтва і ў сувязі з прафесійным святам – Днём работнікаў культуры;
У 2020 г. – Падзякай старшыні Гродзенскага абласнога выканаўчага камітэта “За шматгадовую добрасумленную працу, асабісты ўклад у развіццё музейнай справы, папулярызацыю гісторыка-культурнай спадчыны”;
У 2021 г. – Ганаровай граматай упраўлення спорта і турызма Гродзенскага абласнога выканаўчага камітэта “За значны ўклад у развіццё турызма Гродзенскай вобласці”.
У 2022 годзе ўстанова культуры “Іўеўскі музей нацыянальных культур” пад кіраўніцтвам Кацярыны Уладзіміраўны атрымала Ганаровую грамату ўпраўлення спорта і турызма Гродзенскага аблвыканкама “За значны ўклад у развіццё турызма Гродзенскай вобласці”. А па выніках раённага конкурсу на лепшую навагодню фотазону ў 2021 годзе Іўеўская раённая арганізацыя Беларускага прафсаюза работнікаў культуры, спорта і турызма ўзнагародзіла музей Дыпломам за І месца.
А вось вынікі творчай дзейнасці Кацярыны Уладзіміраўны Маскалевіч за 2022 год:
арганізацыя выставачнага праекта “Без тэрміну даўнасці” аб генацыдзе беларускага народа ў гады Вялікай Айчыннай вайны, генацыдзе насельніцтва Іўеўскага раёна;
арганізацыя працы па патрыятычнаму выхаванню падрастаючага пакалення на базе выставачнага праекта “Без тэрміну даўнасці”;
удзел у пілотным праекце па арганізацыі і правядзенні экскурсій па тэме: “Фарміраванне беларускай нацыі. Канфесіянальнае становішча і духоўнае жыццё ў Беларусі”;
арганізацыя працы па стварэнні 4-га раздзела пастаяннай экспазіцыі, прысвечанага падзеям Вялікай Айчыннай вайны;
арганізацыя экскурсійнага абслугоўвання наведвальнікаў, распрацоўка агляднай экскурсіі “Іўе скрозь прызму стагоддзяў” з элементамі тэатралізацыі;
удзел у абласным семінары “Музейная экспазіцыя: вопыт і перспектывы”;
удзел у культурна-спартыўным фестывалі “Вытокі. Крокі да Алімпу”;
арганізацыя выставачнага праекта “Артэфакты Іўеўскага касцёла”;
арганізацыя працы ў медыяпрасторы.
Віншуем Кацярыну Уладзіміраўну з поспехам і жадаем ёй перамог!
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
