Раённы агляда фальклора «Жывой крыніцы галасы» прайшоў 19 лютага ў Іўеўскім цэнтры культуры і вольнага часу.
Пры ўваходзе на другі паверх гасцей сустракала выстаўка традыцыйных рамёстваў Іўеўшчыны аддзела рамёстваў і традыцыйнай культуры г.Іўе.
Добры настрой пачынаўся з агляду відэазапісу калядных абрадаў з аг.Лаздуны1 (абрад калядаванне “Прыйшлі Каляды, усе людзі рады!” ў выкананні дзіцячага фальклорнага ансамбля “Жавароначкі”) і з в.Бакшты (абрад “Гулянне ката” у выкананні фальклорнага ансамбля “Крынічка”).
Калі вы не ведаеце, дзе чэрпаць духоўнасць і ўнутраную сілу, то пачніце сябраваць з народным мастацтвам, зазірніце ў невычэрпную крыніцу народнай мудрасці, багатую скарбонку народнага жыцця.
Выпрабавалі на сабе, пусціўшыся ў народныя танцы, гульні, карагоды.
Але тым, хто быў у гэты дзень на сцэне, прыйшлося не толькі пагуляць, але і пахвалявацца, бо для іх «Жывой крыніцы галасы»- сапраўдны конкурс, а значыць, спаборніцтва.
Працавала журы:
Ірына Мечыславаўна Грынкевіч – галоўны спецыяліст сектара культуры Іўеўскага райваканкама. Старшыня журы;
Ірына Генадзьеўна Гуртавая – мастацкі кіраўнік дзяржаўнай установы культуры “Іўеўскі цэнтр культуры і вольнага часу”;
Лілія Францаўна Кішкель - загадчык аддзела метадычнай работы дзяржаўнай установы культуры “Іўеўскі цэнтр культуры і вольнага часу”.
Удзельнікі дзіцячых клубных фарміраванняў сектара культурна-масавай і асветніцкай работы аг.Лелюкі прапанавалі фальклорную праграму “Купалінка”.
Дзіцячы фальклорны ансамбль фальклорнага ансамбля “Вечарніца” Іўеўскага цэнтра культуры і вольнага часу - урывак з абрада “Юр’еўскі карагод”.
Беларускія народныя песні выконвалі дзяўчаты з трыа аддзела культурна-масавай і асветніцкай работы аг.Лаздуны1
Прысутныя весяліліся і танцавалі разам з фальклорнай групай сектара культурна-массавай і асветніцкай работы аграгарадка Дайліды.
Чыталі вершы таленавітыя людзі, якія прадстаўлялі сектар культурна-масавай і асветніцкай работы аг.Морына.
Абрад “Калядаванне” праводзіў фальклорны ансамбль “Жытніца” з аддзела культурна-масавай і асветніцкай работы аг.Суботнікі.
Пакараў публіку вяселымі песнямі і танцамі жаночы вакальны ансамбль “Крынічка” аддзела культурна-масавай і асветніцкай работы аг.Трабы.
У самае неба неслася песня артыстаў з аддзела культурна-массавай і асветніцкай работы г.п. Юрацішкі. Яны прапанавалі фальклорную праграму “Ноч на Яна”.
Ансамбль народнай музыкі “Вечарынка” аддзела культурна-массавай і асветніцкай работы аграгарадка Геранёны выступаў з фальклорнай праграмай “Гуляю я”.
Пераканаліся, што захавалася ў нас любоў да народных песень, танцаў, гульняў, жартаў.
На Іўеўшчыне — што працаваць, што спяваць — усё умеюць.
-Народная культура,- адзначыла загадчык аддзела метадычнай работы Л.Ф.Кішкель,- дае не толькі веды, але дапамагае пераадольваць цяжкасці быцця, ўпрыгожвае наш побыт, робіць яго цікавым, гарманічным, поўным.
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Ірына Халява.
Фота Станіслава Зянкевіча.
