Герб і сцяг лічацца найвышэйшымі сімваламі народа, іх шануюць так жа, як роднае слова, родны дом, родную культуру і звычаі. Яны сімвалізуюць і ўвасабляюць для кожнага чалавека, для кожнага грамадзяніна Радзіму.
10 мая на плошчы каля Іўеўскага цэнтра культуры і вольнага часу адбыліся ўрачысты мітынг і акцыя “Сімвал гонару і слава”, прымеркаваныя да святкавання Дня Дзяржаўнага герба і Дзяржаўнага сцяга Рэспублікі Беларусь.
Пад гукі дзяржаўнага гімна ў неба узняўся дзяржаўны сцяг Рэспублікі Беларусь. Ганаровае права падняць яго прадастаўлена:
Святлане Аляксандраўне Ракець - дырэктару Дзяржаўнай установы культуры “Іўеўскі цэнтр культуры і вольнага часу”. Каллектыў Іўеўскага цэнтра культуры і вольнага часу за значны ўклад у развіццё народнай творчасці і рэалізацыю праекта «Іўеўскі каларыт» узнагароджаны Спецыяльнай прэміяй Прэзідэнта Рэспублікі Беларусь А.Р. Лукашэнка «За духоўнае адраджэнне». За высокія дасягненні ў 2019 годзе калектыў установы занесены на раённую Дошку Гонару.
Крысціне Мечыславаўне Трафімчык - дырэктару Дзяржаўнай ўстановы «Тэрытарыяльны цэнтр сацыяльнага абслугоўвання насельніцтва Іўеўскага раёна», старшыне Іўеўскай раённай арганізацыі грамадскага аб'яднання «Беларускі саюз жанчын». Каллектыў установы за высокія дасягненні ў 2019 годзе занесены на рэспубліканскую Дошку Гонару ў сферы сацыяльнага абслугоўвання краіны.
Алегу Іванавічу Халява - старэйшаму інспектару прафілактыкі аддзела аховы правапарадку і прафілактыкі міліцыі грамадскай бяспекі аддзела ўнутраных спраў Іўеўскага раённага выканаўчага камітэта. Па вынікам працы за 2019 год ён занесены на раённую Дошку гонару Іўеўскага раёна працоўных калектываў і перадавікоў працы.
Аналагічныя святочныя мерапрыемства ў гонар дзяржаўнага свята прайшлі таксама ва ўсіх сельсаветах Іўеўскага раёна.
На фота Лелюкінскі д/с-СШ, Гімназія №1 г.Іўе, Суботніцкая СШ.
П. КЁЛЕР. Фота С. Зянкевіча.
