Галоўным упраўленнем ідэалагічнай работы, культуры і па справах моладзі Гродзенскага аблвыканкама і Гродзенскай абласной навуковай бібліятэкай імя Я.Ф.Карскага аб'яўлены абласны конкурс "На лепшую самаробную кнігу". Ён праводзіцца з мэтай папулярызацыі кнігі і чытання праз творчасць і фантазію, развіцця і падтрымкі навыкаў асоб, якія захапляюцца літаратурна-мастацкай творчасцю і выяўленчым мастацтвам, стымулявання і стварэння ўмоў для рэалізацыі творчай актыўнасці сярод насельніцтва Гродзеншчыны і ў межах культурных мерапрыемстваў да Дня беларускага пісьменства ў г.Шчучыне.
Конкурс разлічаны на тэрмін з 1 мая па 1 верасня 2015 года. Прыняць удзел можа любы жыхар Гродзенскай вобласці ці аўтарскі калектыў.
Конкурс праводзіцца
па наступных намінацыях:
- "На лепшае мастацкае афармленне ўласнага твора";
- "На лепшае мастацкае афармленне твора (ці яго ўрыўка) беларускага аўтара";
- "На лепшае мастацкае афармленне твора (ці яго ўрыўка) з калекцыі рэдкіх выданняў".
Конкурсныя работы афармляюцца толькі на беларускай мове, з прымяненнем любога матэрыялу і ў любой тэхніцы, за выключэннем камп'ютарных тэхналогій.
Прэзентацыя калекцыі самаробных кніг, сфарміраваная з лепшых работ, адбудзецца падчас святкавання Дня беларускага пісьменства.
