8 красавіка 2017 года ў дзяржаўнай установе культуры “Іўеўскі цэнтр культуры і вольнага часу” праведзены раённы агляд-конкурс аматарскіх аб’яднанняў і клубаў па інтарэсах“Свет захапленняў”. У аглядзе-конкурсе прынялі ўдзел аматарскія аб’яднанні грамадска-культурнага, мастацкага, фізкультурна-аздараўленчага і сямейна-бытавога накірункаў дзейнасці з аддзелаў і сектараў культурна-масавай і асветнай работы аграгарадкоў Ліпнішкі, Геранёны, Суботнікі, Дайліды, Лаздуны 1, Морына, г.п. Юрацішкі і г.Іўе.
Сярод лепшых была адзначана работа дзіцячых аб’яднанняў: клуб “Патрыёт” (г.п.Юрацішкі), аб’яднанне аматараў гульні “Вясёлка” (аг.Лаздуны 1), аб’яднанне мадэліравання адзення “Чараўніцы” (аг.Ліпнішкі). На добрым узроўні выступілі клубы: пажылых людзей “ Восеньскі ўзрост”, маладой сям’і “Family club” Іўеўскага цэнтра культуры і вольнага часу і жаночы клуб “Алеся” (аг.Лаздуны 1).
21 мая 2017 года аматарскія аб’яднанні і клубы па інтарэсах устаноў культуры Іўеўскага раёна прымуць удзел у абласным аглядзе-конкурсе “Свет захапленняў”.
