“Свята на нашым двары” - пад такой назвай у нядзелю адбылося мерапрыемства ў аг. Суботнікі, якое арганізаваў для жыхароў вул. Пагранічнікаў творчы калектыў аддзела культурна-масавай і асветніцкай работы аг.Суботнікі ДУК “Іўеўскі цэнтр культуры і вольнага часу”.
У гэты кароткі светавы дзень апошняга месяца восені акруга напоўнілася вясёлым спевам салістаў установы культуры аграгарадка Суботнікі. А выстаўку вырабаў народнай творчасці “Прыгажосць ствараем самі” аформілі самы жыхары вуліцы.
Падчас свята выступіла старэйшая жыхарка вуліцы - Ірына Віктараўна Палуносік, якая адзначыла, што апошнім часам вуліцу не пазнаць - разбудавалася і расквітнела. Для сваіх сусудзяў Ірына Віктараўна выканала прыгожую песню “Яблоневый вечер”.
На мерапрыемстве прагучалі добрыя словы ў адрас шматдзетных сем’яў: Руслана і Наталлі, Сакаловіч Сяргея і Ірыны Анішчанка, Генадзя і Наталлі Бутурлі. Дзякуючы ім можна спадзявацца, што ў беларускага сяла ёсць будучыня.
А сёння яго прыгажосць ствараюць тыя, каго мы называем дбайнымі гаспадарамі, майстрамі на ўсе рукі. Па выніках конкурсу “Лепшы двор- 2017” па вуліцы Пагранічнікаў перамогу атрымала сям’я Крысціны Уладзіславаўны Макрыцкай.
Гледачы, для іх адбылося свята, выказалі шчырую ўдзячнасць артыстам за добры настрой, прыгожую песню, за ўшанаванне і павагу да сельскага жыхара - гаспадара зямлі беларускай, за сардэчную святочную сустрэчу са сваімі суседзямі.
Падрыхтавала Т. Болатава.
