Я разумею, для таго каб забяспечыць небяспеку сабе, а таксама сваім родным – трэба ведаць правілы паводзін на дарозе. Многаму нас вучаць у школе на ўроках, на розных мерапрыемствах. Арсенія і Эмілію вучаць у дзіцячым садку, як сябе паводзіць на дарозе. Я таксама ім расказваю, як правільна пераходзіць вуліцу, калі няма светлафора, дома мы гуляем у настольную гульню, якая так і называецца “Правілы дарожнага руху”, якую нам купіла наша мама.
Я, як усе хлопчыкі і дзяўчынкі, вельмі люблю катацца на веласіпедзе. Я ведаю, што прагулкі на веласіпедзе прыносяць вялікую карысць майму арганізму. Але каб яны былі карыснымі і радаснымі, і каб са мной не здарылася якой-небудзь бяды – трэба паводзіць сябе асцярожна. Я ведаю, што пакуль мне не споўніцца 14 год, я не павінна выязджаць на праезжую частку дарогі, туды, дзе ездзіць многа машын. Таму мне тата адвёў пляцоўку каля дома, па якой я магу спакойна катацца на веласіпедзе.
Ведаеце, у мяне ёсць мара. Я думаю, што яна можа здзейсніцца, калі мне споўніцца 18 год. Я мару навучыцца вадзіць машыну. Я ведаю, што для таго, каб стаць вадзіцелем, патрэбна адвучыцца ў аўташколе і здаць экзамены. Пра сваю мару я расказала маме. І ведаеце, што яна мне адказала:
- Я спадзяюся, што твая мара абавязкова збудзецца, ты вырасцеш і станеш адказным вадзіцелем. Ты павінна разумець, што дарога – гэта адказнасць вадзіцеля не толькі за сябе, але і за пешаходаў. Для гэтага патрэбна добра вучыцца, быць адказным і ўпэўненым у сабе”.
А пакуль што я вучуся, дапамагаю маме і тату, гуляю са сваімі брацікам і сястрычкай. І часта ў сваіх снах я ўяўляю сябе вадзіцелем. Я ўпэўнена, што мары абавязкова збудуцца…
Хотите читать актуальные новости Ивья и Ивьевского района первыми? Подписывайтесь на наш Телеграм-канал по ссылке https://t.me/ivyenews
Віялета Бразінская,
вучаніца 4 класа Эйгердаўскай СШ.
